在廟街，除了功夫鐵打，歷史最悠久的「商戶」可算是睇相的相士。於是前晚到廟街，在公，是為了觀察廟街的特色，同相士聊天，另一方，自己亦蠢蠢欲動向相士指教一番。

在天后廟附近，有很多形形色色的攤子關於掌相命理，一面是中國睇相睇掌、測字、雀鳥占卜，對面則是西方的塔羅牌。廟街關注組的阿偉的介紹下，光顧了鋪面帶點道家特色的丁大居士和甘先生。我的命運和流年運程暫且不說，以下是和兩位相士閒談的口記錄。

 

(芯= Rachel, 欣= Shirley, 丁=丁大居士, 甘=甘先生)

芯: 以前係電影、電視劇看到的既睇相師傅既攤檔都係露天，但係2位的攤檔有帳篷喎!

丁: 係呀，以前個個睇相都無呢o的 (帳篷)，遇著落雨，就要”理”係天后廟入面啦!

欣: 幾時開始有呢o的帳篷?

甘: 2003年

丁: 03年，o岩o岩整完就有「沙士」喇，(丁指向上)，呢o的要自己整o架。

欣: 吓? 要自己上螺絲?

丁:唔係，搵人番黎整。有個篷就好o的，唔洗怕落雨。

芯:呢度以前同而家有咩分別?

甘: 以前對面唔係塔羅牌黎o架，佢地02,03年先係度….

丁:以前對面係o的鐵打功夫表演，轉角位係唱歌，有人會表演生劏o的蛇，再即場用黎煮蛇湯………….以前好旺o架，o的人多到遮晒o的攤檔，想行入黎睇都好難o架。

甘: 同而家差好遠。

芯: 幾時開始咁靜?

甘: 03年到啦

丁: 差唔多啦，02,03年到啦。

欣: 你地通常幾點開檔o架?

甘: 四、五點到啦，做到無客o羅。

芯: 通常星期幾最旺?

甘: 星期五、六啦，去到差唔多呢個時候 (11:30pm) 都仲有人來o架。星期一至四就少人o的。

芯: 通常黎睇相係o的咩人?

丁: 咪人都有，有外國人，有本地人，連回流返o黎都有。

甘: 係呀，試過有個遊客黎睇，我問佢係邊到黎，佢話 “south Africa”。

欣: 咁你同佢點滑溝通?

甘: 講英文o羅，中文、英文都係咁講o架喇。

欣: 好犀利啊。

甘: (笑)

芯: 你地點解入行?

甘: 我十幾歲時就幫人睇相，我以前做過下編輯。

欣: 可以點入行?

丁: 自學….自己買書睇…….

甘: 出面有o的堂教人，但係學費好貴，不如自己用一百幾十買本書自己睇。

(甘看看手錶)

甘: 我地要收檔啦，下次帶o的朋友黎再傾過。

所以，短短廿分鐘既訪問就完結了。雖然，丁師傅同甘先生睇上去有點惡，但是，他們卻很健談，而且，從他們身上知道廟街小小歷史。