首先要諗定一條問題(research question?),最緊要問得清楚,要知道自己想問乜.跟住要合埋眼,將左手放係牌上面,心裡面諗住想問嘅野(例如問嘅同人有關就諗住個名同樣貌),放一陣(可以cut下牌)就ok了,據Esther(同我占卜嘅塔羅師)講呢個步驟係等占卜師感應到客人既意念.跟住係攤開既牌入面抽5張,占卜師會按抽嘅順序排好,再逐一解釋.之後仲有2次機會抽多1張牌(follow-up question!!).
已經12點幾,有好多人去揾培羅牌占卜

 講講下傾到Esther廟街擺檔的經歷,原來佢本來係廣告公司返工,職位唔低,全職係廟街擺檔係由一個巧合開始.Esther曾跟隨不同的老師學習塔羅牌.佢認為塔羅牌只係一套工具,要幫人,最緊要係有3個心:關心、善心、慈悲心.係開始占卜前,佢都事先向我地講明,唔會淨係講好說話,佢睇到(感應到?)有乜結果,唔理好壞都會照直講.呢個就係佢幫人嘅方法.

         對於Esther來說,廟街就係佢幫人嘅「戰場」,係廟街開檔2年多,佢遇到好多唔同嘅顧客,由律師、科學家到一般市民都有.當中有不少成為熟客,試過有熟客年初一就到廟街搵佢.廟街提供左一個場所令Esther同佢嘅客人見面,本來佢日間都會係商業大廈營業,後來為左專心做好廟街嘅檔攤都放棄左.

         對於廟街一帶將受到中九龍幹線工程影響,Esther話未有打算搵其他地方擺檔.選擇廟街擺檔,對佢嚟講係一個使命,亦因此令佢關注政府嘅計劃. 雖然佢認為起中九龍幹線在經濟發展等因素下是無可避免,但對於政府的行動卻抱有懷疑. 政府將會有三次咨詢論壇(已經舉辦左一次),但Esther覺得並非真心與市民溝通,祗係一種懷柔手段.對於政府會否聽取附近小販、居民嘅意見,Esther並不樂觀.